بدأ بـ450 جنيه، وخاتمين صنعهم بإيده.

شادي الزريجي—صاحب ورشة الجلود الطبيعية·القاهرة

بدأت بـ450 جنيه مكنش معايا غيرهم وقتها.

قبل ما يدخل عالم الجلود، شادي كان طالب في كلية التربية النوعية وبيشتغل على تشكيل المعادن. في رمضان، وفي وقت الامتحانات، نزل حارة اليهود بكل رأس ماله — أنبوبة بوتاجاز صغيرة، بوري لحام، وربع كيلو سلك نحاس — وشالهم على ضهره ورجع البيت، وعمل أول خاتمين وباعهم.

بعدها عرض شغله في جاليري في وسط البلد، وخلال تلات شهور كان بيبيع في تلات محافظات غير القاهرة. أرباح الخواتم هي اللي مكّنته إنه يتعلم صناعة الجلد الطبيعي، ويحوّل شغله من المعدن للجلد.

ومن يومها بنى ورشته على نفس المبدأ اللي بدأ بيه: قطعة واحدة في المرة، بإيد واحدة. لغاية دلوقتي كل قطعة بتتقص وتتخاط وتتصقل باليد في الورشة.